වචනේ "පට්ට"

භාෂා ව්‍යවහාරයේ දි ද්විත්ව තේරුම් දෙන වචන අප කොතෙකුත් අසා ඇත. ඒත් මේ වචනය තරම් ජනප්‍රිය වචනයක් තවත් නැතැයි හැඟුන නිසා “පට්ට” ගැන ලින්නට සිතුවෙමු.

“නියමයි” , “මාරයි” යන වචන දෙකේ උපරිමය දැක්වීමට මෙන්ම එහි සම්පූර්ණ අනික්පස වන “වැඩක් නෑ” , “ෂික්” යන වචන වල තේරුමද අවස්ථානුකූලව විදහා දැක්වීමට මේ වචනය යොදනු පෙනේ.තවත් බොහෝ අතිශයෝක්ති අවස්ථා දැක්වීමට  කට වහරේ බොහෝ යෙදේ.

බලමු අවස්ථා ටිකක්...

“නියමයි”  -

“ඒ ෆිල්ම් එක නම් පට්ටයි බං”

“පට්ට කෑල්ල බං”

විශාලත්වය දැක්වීම -

“ඒ ගෙදර පට්ට සයිස්නේ !”

කුසලතා දැක්වීම  -

 

“ඌ පට්ට මීටරේ”

නීරස බව දැක්වීම 

-

“ඒ බීම එක නම් කටේ තියන්න බෑ, පට්ට ලුණු රසයි”

පරිබව කිරීම -

“ඌ නං මහ පට්ට බල්..ක්”

අපහාස කිරීම -

“ඒකා නං පට්ට මෝඩයෙක් බං”

මේ අපිට මතක් වුනු කීපයක් විතරයි.තව ගොඩක් තියනවා.ඔයාලටත් මතක් වුනොත් කමෙන්ට් කරන්න. කොහොම වුනත් මේ වචනේ භාෂාවට එකතු කරපු කෙනාට “වල්ල පට්ට” කිලෝවක් තෑගි දෙනව ද නැත්නං අල්ලලා පට්ට ගහනව ද කියලා දෙකින් එකක් තීරණය කරන්න වෙන තරමටම දැන් මේ වචනය පාවිච්චි වෙනවා.