සර්පයින් ලගතබාගෙන සිටි හිමිවරු දෙදෙනෙක් ඝාතනය කෙරෙති!

පසුගියදා හද සසල කරවන පුවතක් අසන්නට ලැබිනි.රෑ 9ට පමණ පැමිනි දෙදෙනෙකු විසින් කෝට්ටේ රජමහා විහාරයේ භික්ෂුන් වහන්සේලා දෙනමක් අමානුෂික ලෙස කපා කොටා ඝාතනය කර තිබීම ඒ පුවතයි.පසුව වාර්තාවූයේ එම පාහර ඝාතකයින් දෙදෙනා ඉතා ඉක්මනින් අත්අඩංගුවට ගැනීමට පොලීසිය සමත් වු බවයි.පොලිස් නිළ සුනඛයින් ගේ සහායද ඊට ලැබීතිබුනි. ඒ සියල්ලටම වඩා
මේ අපරාධකරුවන් අල්ලා ගැනීමට උපකාර වි තිබුනේ අපරාධයවු අවස්ථාවේ ඒ පන්සලේ රැදි සිටි බුද්ධිමත් දරුවකුගේ ක්‍රියාවකැයි ද වාර්තාවිණි.එනම් එම දරුවා අපරාධකරුවන් පලාගිය රථයේ අංකය වැලිමළුවේ ලියා තිබිමය. ඒ උත්කෘෂ්ඨ කියාව වෙනුවෙන් එම දරුවාට රටේම ගෞරවය නොමදව හිමිවේ.

සියල්ලටම පසුව මේ සිදුවිමට හේතු මතුවන්නට විය.ඝාතනය වු හිමිනමක් පන්සලේ රු ලක්ෂ 05ක් තබාගෙන සිටිබවත් ඒ පිලිබද ඝතකයන්(සැකකරුවන්) වන වෙනත් පන්සලක නිළමේ කෙනෙක් හා හීරළුවෙක් එම හිමියන් විසින්ම දැනුවත්කර තිබූබවත් සදහන්වේ.පසුව එම මුදල් හොරකම් කිරීමට පැමිණීමේදි මෙම ඝාතනය සිදුවී ඇත. පන්සල් තුල මුදල් රැස්කර තබා ගත්තේ ඇයි? එය අනවශ්‍යම වැඩකි.(දැන් කෙරෙන තරමක් කෙරෙන්නේ අනවශ්‍ය වැඩම තමයි) එදා කුඹුරක් අසල රන් කහවණු පොදියක් තිබෙනු දැක බුදු හිමියන් ආනන්ද හිමියන් අමතා" ආනන්දය සර්පයා දුටුවාද?" යනුවෙන් ප්‍රශ්න කළ වග අසන්නට තිබේ. අද බුදු පුතුන් පන්සල් තුල සර්පයින් රැස්කර  නිකරුනේ නහින්නේය. කිනම් අවාසනාවක්ද? මේවා කතා කර වැඩකුත් නැත. එකෙකුවත් හැදෙන්නේ ද නැත. ඒත් නොකියාද බැරිය.

පන්සල් තුළ තිබිය යුත්තේ ආදර්ශවත් බව, අල්පේජ්ජතාව ආදි ගුණදම්ය. අර්හත් ධජය පෙරවු පමනින් සියලු මිනිසුන් භික්ෂුන් ලෙස දකින අප බලාපොරොත්තුවන්නේ පන්සල හරහා නිස්සාර සසර ජයගත හැකි උතුම් සද්ධර්මය මිස ධනය,රන් පත්තිරු,රාජ ඔටුනු,කඩු  කස්තාන නොවන බව මුන්වහන්සේලා තේරුම් ගතයුතුය.

"තණ්හාය ජායතී සෝඛෝ-තණ්හාය ජායති භයං"(ධම්ම පදය)